Онцлох мэдээ: Увс аймгийн Түргэн, Хархираа гол эргээ халин аюул түвшингээ даван хүчтэй үерлэж байна. 7 дугаар сарын 15-ны өдрийн байдлаар Сэлэнгэ мөрөн Орхон голын адаг, Хэнтий нурууны баруун хажуугийн Хараа, Туул, зүүн хажуугийн Онон, Хэрлэн, Хангай нурууны өврийн Таац, Буянт, Алтай нуруунаас усжих Ховд, Увс нуурын савын Чигж, Хархираа, Хариг, Намир, Хангилцаг зэрэг голуудын усны түвшин өмнөх өдрийнхөөс 10-60 см нэмэгдэж, Туул, Хэрлэн, Таац, Хариг, Намир, Ховд зэрэг голууд үерийн түвшинг 5-35 см, Түргэн, Хархираа гол үерийн аюултай түвшинг 10-15 см даван тус тус хүчтэй үерлэж байна. 7 дугаар сарын 15-нд Туул гол Лүн сум орчимд усны түвшин 10-20 см нэмэгдэж, үерийн түвшинг давна. Ирэх өдрүүдэд ихэнх нутгаар түр зуурын усархаг болон үргэлжилсэн бороо орох тул тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд нэмэгдэж, үерлэх, жижиг голууд болон хуурай сайраар уруйн үер буух  нөхцөл бүрдэнэ. Иймд дээр дурьдсан голууд болон гол мөрний сав дагуу суурьшиж, нутагшиж буй ард иргэд, аж ахуйн нэгж, аялаж зугаалж яваа хүмүүсийг үерийн аюулаас урьдчилан сэргийлэхийг онцгойлон  анхааруулж байна.   Ус, цаг уур, орчны судалгаа мэдээлэлийн хүрээлэнгийн Гадаргын усны судалгааны хэлтэс 2020-07-15

Өнгөрсөн 7 хоногт ихэнх нутгаар бороо болон нойтон цас орсон байна

Өнгөрсөн 7 хоногт 18-нд Алтай, Хангай, Хөвсгөлийн уулархаг нутгаар, 19-нд баруун аймгуудын нутгийн зүүн, төвийн аймгуудын ихэнх нутаг, говийн аймгуудын нутгийн хойд, зүүн аймгуудын нутгийн баруун хэсэг, 20-нд баруун болон төвийн аймгуудын нутгийн хойд хэсэг, зүүн аймгуудын ихэнх нутгаар 0.0-14.0 мм бороо, нойтон цас орсоноос хамгийн их нь Хөвсгөлийн Цагаан-Үүрт 14 мм, Эрдэнэбулганд 13 мм цас орж зөөлөн цасан шуурга шуурав.  

Өнөө өглөөний 08 цагийн станц, харуулуудын ажиглалтын мэдээгээр Говь-Алтай, Баянхонгорын хойд, Завханы нутаг, Хөвсгөлийн өмнөд, Архангай, Булганы зарим газраар 1-16.0 см цасан бүрхүүл тогтсон байна. Үүнээс хамгийн их нь Хөвсгөлийн Шинэ-Идэрт 16.0 см, Завханы Тосонцэнгэлд 9.0 см, Говь-Алтайн Алтай, Хөвсгөлийн Чандгатад  8см, бусад нутгаар 1.0-5.0 см цасны зузаантай байна.
Монгол-Алтай, Хангай, Хөвсгөл, Хэнтэйн уулархаг нутаг, Завхан голын эх, Хүрэнбэлчир орчим, Идэр, Тэс, Тэрэлж голын хөндийгөөр +4...+9 градус, Алтай өвөр говь болон говийн бүс нутгийн өмнөд хэсэг, Орхон-Сэлэнгийн сав газраар +16...+21 градус,  бусад нутгаар +10...+15 градус дулаан байв. 19-21-нд ихэнх нутгаар өмнөх өдрөөсөө 10-15 градусаар хүйтэрсэн байна.
Ихэнх хугацаанд шөнөдөө Алтай, Хангай, Хөвсгөл, Хэнтэйн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж голын хөндийгөөр -13...-20 градус, Их нууруудын хотгор болон говийн бүс нутгийн өмнөд хэсгээр  1 градус дулаанаас 4 градус хүйтэн, бусад нутгаар -5...-12 градус хүйтэн байв.
14-17-нд ихэнх нутгаар секундэд 6-11 метр, 18-нд Алтайн уулсаар, 19,20-нд говь, тал, хээрийн нутгаар секундэд 16-18 метр, түр зуур секундэд 24-26 метр хүртэл ширүүсч  шороон болон цасан шуурга шуурав. Харин 19-ний өдөр Өмнөговийн Цогт-Овоо сумын орчмоор түр зуур секундэд 31 метр хүрч ширүүссэн байна.
Улаанбаатар хот орчмоор: Өнгөрсөн 7 хоногт 19-ний өдөр 0.4-2.0 мм бороо, нойтон цас оров. Салхи ихэнх хугацаанд секундэд         7-12 метр байв. Өдөртөө ихэнх хугацаанд 9-16 градус, 19-нөөс сэрүүсч 2-9 градус дулаан, шөнөдөө ихэнх хугацаанд Яармаг-Сонгины орчмоор -8...- 15 градус, бусад хэсгээр 0...-7 градус хүйтэн байв.
<< Буцах

Онцлох мэдээ

Улаанбаатар - 2020/07/15

17 цаг

26 78
O
CF
Үзэгдэлгүй
3 м/с

ӨНӨӨДӨР - 2020/07/15

30 86
O
CF
Дуу цахилгаантай аадар бороо

9 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store